Жамбыл облысын Бердібек Сапарбаев басқарған жылдары бизнеске рейдерлік жасау, ірі кәсіпорындарды тартып алу кеңінен қолданылған. Қарсы келгендерді соттау, түрмеге қамау тәсілдеріне дейін барған. Тараз қаласындағы ТЭЦ орталығының басшысы Бақберген Мәуленовты туған баласымен бірге тұтқындап, бір жылдан бері қамауда ұстап отыр. Ешқандай дәлелсіз айыптап, тіпті үй қамаққа жібермеді. Барлық мәселе жекеменшік ТЭЦ тартып алу ғана!
Тура осындай жағдай Меркі асылтұқымды зауытында да орын алған. Бердібек Сапарбаевтың кезінде әкімдікке қарасты «СПК «Тараз» облыстағы ірі мал шаруашылығын сотқа беріп тартып алу әрекетін бастаған. Содан бері бір жылдан асты. Алматы мен Жамбыл облысында қатарынан сот жүріп келеді. Бітпейтін сот. «СПК «Тараз» әкімшілік ресурстарды қосып, Меркі зауытының бар активін тартып алуға жанталасып жатыр. Зауыт басшылығы заңды құқықтарын барынша қорғап келеді.
Бердібек Сапарбаев ауысып, орнына Нұржан Нұржігітов келгелі де бұл сотқа тоқтам болмады. Әкім жаңа болғанмен бизнесті тартып алу жүйесі ескі.
Активтерін сатқызып, зауытты банкротқа отырғызып, бөлшектеп басқаларға сату.
Дәл осындай құйтырқы интрига жүріп жатқаны басынан белгілі еді.
Қазіргі жағдайда Меркі асылтұқымды зауыты бұған дейінгі сотпен салынған айыппұлдар мен кредиторлардың алдындағы 300 млн теңге берешегін толық жапты. Енді жұмысшылардың алдындағы қарыздарын өтеуде. Әттең-айы барлық қарыздарын бірден жауып тастауға да болар еді. Оған мүмкіндік жоқ. Өйткені осындай жылға созылған соттардың кесірінен барлық шоттары бұғатталып, не мүлік не малдарын сатуға тиым салынған. Ал енді осындай қысымда қалған шаруашылық қарыздарды қалай жабады, шаруашылықты қалай дамытады??
Оған Жамбылдың әкімдігі бас ауыртып жатқан жоқ! Бизнесті қолдайды, араша түседі, мал шаруашылығын дамытады деген әкімдік қайта шағыстырып отырғандай. Сол жердегі жергілікті жұртты қарсы қойып, әлеуметтік шу шығаруға, халық көтеріліп кетеді деп қорқытуға көшкен.
Шу шықпас үшін, жұмысшылар наразы болмас үшін Меркі зауытына тыныштық беруі керек. Сотты тоқтатып, шоттарын ашып, малдары мен жем шөптерін сатуға рұқсат берілуі керек. Сонда қарыздар да тезірек жабылады.
Кеше өткен сот отырысында да «СПК «Тараз» өкілдері Меркі зауыты банкроттың алдында тұр деді. Сотты солай сендірмек.
Ал қазіргі кезде Меркі зауыты қанша қысым көрсетілсе де шаруашылықты сақтап қалуға барынша әрекет жасап жатыр. 2000 гектар жер игеріліп, осы алқапты суаруға үлкен 2 артизан құдықтарын қазды. Мал бордақылау кешенінің құрылысы басталды. Ол үшін инвесторлар тартып отыр.
Банкротқа ұшырайтын шаруашылық бостан-босқа мұндай қаржы бизнеске салмас еді.
Сондықтан, Нұржан Нұржігітов басқаратын әкімдік сәл болса да тағы бір ойланып, осы мәселені екі тарапқа да тиімді тұрғыда шешуге ұмтылғаны жөн.
Облыстағы ірі мал шаруашылығы банкротқа ұшыраса, талан-таражға түссе әкімдікке де абырой емес.
Ал осы сот процесстерін қарап отырған облыстық судьялар әділетті шешім шығарады деген үміттеміз.
Тек қана әкімдік тарапын қолдап, бизнесті жығып берсе президент айтып жүрген Әділетті Қазақстанның құны көк тиын болады.
Ертең тағы сот!
Тәуелсіз журналист Жасұлан Әбдіхалық!