• Валюта бағамы: USD 90.45 | EUR 12.09 | RUB 349.13 | CNY 175.65 |

Мәулен Әшімбаев 10 сотық жер берудегі мәселе туралы айтты

0
Иллюстрациялық фото: elements.envato.com

Сенат спикері Мәулен Әшімбаев 10 сотық жер беру туралы айтты, — деп хабарлайды Tengrinews.kz тілшісі.

«Жалпы, берген жоқпын (10 сотық жер алуға өтініш — еск.). Бұл азаматтардың құқығы, мәселе Қазақстанда жер жоқтығында емес қой, мұнда азаматтарға да дұрыс түсіндіру керек. Біз байтақ елміз, жеріміз жеткілікті, 10 сотық жерді қазақ азаматтарына үлестіруге болады. Менің ойымша, бұған кезең-кезеңімен келеміз, бірақ мәселе бұл жерде байланыс болу керек екенінде, онда жолдар, жарық, су, кәріз жүйесі болуы керек», — деді Әшімбаев.

Мәулен Әшімбаевтың айтуынша, «байланысқа қатысты депутаттар білетін және көтеретін мәселелер бар».

«Жыл сайын коммуникация құрылысына белгілі бір қаржы бөлініп, бұл жұмыстар жалғасады. Сондықтан да бірте-бірте, кезең-кезеңімен әкімдіктер, Үкімет бұл мәселені шешіп, тілек білдірген азаматтардың бәрі жекеменшік тұрғын үй құрылысына қажетті жер телімін алады деп сенеміз», — деп түсіндірді Әшімбаев.

 

Пікір қалдыру